قصيدة هتودينا فى داهية

اذهب الى الأسفل

قصيدة هتودينا فى داهية

مُساهمة من طرف eng_nermo في 23/5/2007, 7:11 am

دا شعب فقرى

نظرا لأن النعمة فاقت حدها
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ....... نسترحمك
نستعطفك .......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقري مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد "غازه" لإسرائيل
ويومين كمان ويمد نيل
أهو يعني نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد "مستوطنة "
(متسلطنة بالسرطنة)
إيه اللي خدناه م الكرامة والإباء
حبة خطب وكلام...كلام
إحنا راهنا على النظام
ورضينا بخيار السلام
(بخيار)حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوي الحكم
خليك مطرحك
حاغطس وأقب وأعود
بشعب يريحك
راضي وعمره مايجرحك
أخرس ومايسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم
_____________
_____
avatar
eng_nermo

ذكر
عدد الرسائل : 62
العمر : 32
البلد : egypt
الحالة : single
الهوايات : playing
تاريخ التسجيل : 28/04/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصيدة هتودينا فى داهية

مُساهمة من طرف zezozamalek في 25/6/2007, 3:41 pm

الله الله الله
يا جدعان حرام عليكم انا عاوز اتجوز وبعد كده ابقوا اسجننونى ولا موتونى لكن اموت قبل ما اتجوز يبقى حرام والله
ربنا يستر عليك ياالى كاتب القصيده ولا خلاص زمانه مات
هههههههههههههههههههههههه

zezozamalek

ذكر
عدد الرسائل : 71
العمر : 32
البلد : مصر
الحالة : اعزب
تاريخ التسجيل : 19/04/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى