يوم من ايام عنايات وعبد الفتاح

السلام عليكم ورحمة الله وبركاته
ارجو ان تردوا على وتهتموا بكلامى
يعنى اذا معجبكوش على طول كرسى فى الكلوب علشان ننتهى وندخل المطبخ نخليها طبيخ وأمينه وبلاش شغل المؤلفات
واعيش واقعى
عجبتكم يبقى يوم الهنا بس هى مش على بعضها لزوم البريستيج
اختكم ام ميكا وده دلع بنتى الكبيره وياريت تخمنوا اسمها ايه غلاسه
نستعين بالله ونبدأ

بسم الله الرحمن الرحيم


من أول ما نفتح الباب

نسمع صوت

الراديو مفتوح على اعلى درجه

والحنفيه فى المطبخ مفتوحه على الآخر

البراد عمال يصفر والماء غلى وفار

والبنت الصغيره عماله تصرخ وتعيط

والولد الوسطنى بيشد فى الشراب من اخوه الكبيير

والأب واقف يحلق دقنه

عمال يفكر فى اليوم الجديد والقرفه الى منتظره

معندهوش اى لمحة تفاؤل

كتلة تشاؤم وعكننه

والأم واقفه فى بلكونة المطبخ تنده على بتاع الفول

الأب موظف

والأم مدرسه

والعيال

ولدين وبنت

الأب انت يا ست هانم فين الشبشب والفوطه

الولد الصغير

ياباب ااقولك هما فين

الاب فين يا أخى

الولد طيب يا بابا فكر شويه ثغيرين

الاب امشى يا واد انت انجر من هنا

يا عنايات ياعنايات

فى ايه ياراجل على الصبح

الاب صبح انتم خليتوه ليل

عاوز الشبشب والفوطه

هو انت دخلت الحمام حافى

عبد الفتاح هو انا لقيت الشبشب وقلت لاء عاوز اتوضى

عنايات مش سامعنى وانا عماله انده على المخفى بتاع الفول

الاب فول ايه هو انت كل يوم تطفحينا فول

عنايات يا فتاح يا عليم

هو انت عاوز تاكل بسطرمه وبيض ولانشون وجبنه رومى بالمصروف المقشف

الى انت بتديه لى أول كل شهر

عبد الفتاح

مصروف مقشف انت الى ست ايديك سايبه

عنايات ايدى سايبه ياراجل اتقى الله دا لولا ماما

عبد الفتاح يا دى الصباح الى بدأ بماما

مش عاوزه اطفح وبلاش سيرة امك على الصبح

عنايات اسمها امك برضه ياراجل يا متعلم

عبد الفتاح هو انا شتمتك دانا بقول امك باللغه العربيه

والله حاجه غريبه طيب عاوز الشبشب والفوطه

عنايات والله أمال ايه الى فى رجلك وعلى إيدك

عبد الفتاح يفتح عينيه على الآخر هم جم أمتى

الواد الصغير

انا ياأبتى

أبتى فى ايه يا واد

الواد الصغير مش انت بتتكلم باللغه العربيه وقولت على ستو امك

نهارك إسود يا وله

هو انت بتتصنت على كلامنا

يادى نهارك يا عبد الفتاح

خلاص ضعت يا تيحه الواد الفتان ده هيقول لامها

عنايات بتقول ايه ياعبد الفتاح

عبد الفتاح مش بقول

خلى نهاركم يعدى على خير

امشى يا واد انت انجر من هنا

سمعا" وطاعه يا والدى

عنايات تضحك وتمشى تجر فى رجلها اصلها من المقاس الإكس لارج

عبد الفتاح يلبس هدومه ويبدأ تانى فى الصراخ

يا عنايات انت يا هانم يا دى الصبح الى مش هيعدى

عنايات

انت يارجل خلينى احضر الفطار

انا قلت مش هاطفح

عنايات مش ليك الطفح للعيال

عبد الفتاح طيب الله يكرمك عاوز شراب مفيهوش قطع

عنايات وانا أجيب منين مانت مش بتشترى وآخر الشربات كان جايبه لك بابا من العمرة

قطيعه تقطع الشربات على الفانلات

هو انا إيه عايش عواله على أهلك

الواد زيزو يجى جرى

بابا عاوز شراب سليم

عبد الفتاح وله هو انت كل شويه تطلع امشى انجر ياود من هنا

زيزو ايوه هاجيبلك شراب ماما مخبياه فى درج المطبخ

عنايات الله يخرب بيتك وانت نكشت فى المطبخ ليه يازفت

زيزو أبدا" كنت بدور على مفك اصلح كرسى العجله بتاعى

الاب امشى هات الشراب وانت يا اختى ايه الشراب ده الى موجود فى المطبخ مش فى اوضتى
عنايات أبدا"
دا شراب اخويا مصطفى جابه ومش قده قلت أخده لك

نهارك إسود انا آخد بواقى أخوك

انا قلت اليوم ده بدأ بأمك هينتهى ازاى

عنايات تقصد إيه

عبد الفتاح هو انت هتقلبى الموضوع الى أمك

انت يا اختى حد قالك ان جوزك شحات

بابا بابا

فى إيه يا زفت

دا مش شراب خالو مصطفى

امال ايه يا واد

زيزو ده شراب ااقول يا ماما

وله امشى الله يهديك هو ناقصه مناكفه على الصبح

زيزو بابا ده شراب ماما لقيته واقع على السلم يبحلق فى عنايات ويقول لها

انت يومك مش هيعدى على خير شكلك هتروحى تعيشى وسط امك وابوك
عنايات حرام عليك بلاش افترا وتسيبه و

تجرى وراء زيزو والولد يجرى منها

عبد الفتاح يلبس الشراب المقطوع ويجيب الجزمة ويبص يلاقى فيها

خرم يكلم نفسه هو من امتى فى حاجه سليمه

يلبسها وهو مكتوم وقبل ما ينزل تقوله عنايات الواد زيزو كداب

والله يا عبد الفتاح الشراب بتاع مصطفى وقع منى وانا داخله رجعت أجيبه كان المخفى

زيزو ورايا

عبد الفتاح ابعدى عن وشى الساعة دى
عنايات طيب مش هتفطر
عبد الفتاح جتكم البلاوى

مش عاوز اطفح نهاركم زى القشطة
عيلة 5 نجوم

.......مشكور ......................... .....................مشكو ر............
....مشكور... ......مشكور.......... .............مشكور.........مشكور.....
..مشكور..... ..........مشكور...... .........مشكور............... مشكور.....
..مشكور..... ....................مشكور ........................ .....مشكور.....
....مشكور... ......................... ......................... .....مشكور.......
......مشكور. ......................... ......................... ...مشكور.....
.........مشكور..................فرنسا.......... .......... مشكور.......
............ مشكور.................... .........................مشكور ......
............ ...مشكور....................... ................مشكور.........
............ ......مشكور..................... ............مشكور........
............ .........مشكور........... ................مشكور...........
............ ............مشكور....................مشكور........ ........
............. ............ .مشكور............مشكور.... .................
............ ........... ...........مشكور........ ........ .............